ШҚО білім басқармасы Өскемен қаласы бойынша «№45 орта бейіндік мектебі» КММ оқушыларын «Жас Ұлан» және «Жас Қыран» қатарына САЛТАНАТТЫ ҚАБЫЛДАУ РӘСІМІ

Өткізілетін күні: 13.12.2024ж

Өткізілетін уақыты: 12:30

Өткізілетін орын: акт зал

Қабылдау рәсімінің қатысушылары: 

- мектеп директоры; 

- мектеп директорының орынбасарлары; 

- аға тәлімгер; 

- мектептегі «Жас Ұлан» ұйымының Ұланбасы; 

- ұйым қатарына қабылданушы оқушылар; 

- сынып жетекшілер.

Салтанатты патриоттық ән шығып тұрады, сахнада ҚР туы орнатылған, балалар орындарында тұр, залда қонақтар жиналған.

Түзел! Тік тұр!

«Жас Ұлан» балалар мен жасөспірімдер ұйымының Туы кіргізілсін.

Фанфар ойналады

Қабылдау рәсімінің барысы:

I жүргізуші:

Армысыздар, құрметті ұстаздар, сынып жетекшілер және оқушылар! 

Бүгінгі  шара 16-желтоқсан Қазақстан Республикасының Тәуелсіздік мерекесіне орай өткізілгелі отырған  «Жас Ұлан» және «Жас қыран» бірыңғай балалар мен жасөспірімдер ұйымы қатарына салтанатты қабылдау жиынына қош келдіңіздер! 

ІІ жүргізуші:

Мереке қарсаңында бірыңғай «Жас Ұлан» балалар мен жасөспірімдер ұйымына, біздің мектептің жарқын оқушылары мүше болып қабылданғалы тұр.

I жүргізуші:

Түсініп терең, өмірдің мәнін,
 Жалынды жастар, сендерсің сәнім.
 Беретін бойға күш-қуат, жігер,
 Шырқалсын шаттық әнұран әнім!

ҚР мемлекеттік Гимн орындалады

ІІ жүргізуші: 

«Адам баласы дүниеге патриот болып келмейді. Ол білім мен тәрбие алып, әлеуметтік ортамен араласып, азаматтық болмысын қалыптастыру кезінде патриотқа айналады» - дейді, Қазақстан Республикасының президенті Қасым-Жомарт Кемелұлы Тоқаев өзінің халыққа жолдауында жастардың болашағына көңіл бөлетінін айта кетті.

І жүргізуші:

Қазақстан бүгін дамудың жаңа жолына тұрды. Әр Жасұландық  жерін, елін, Отанын мақтан тұтады.  

ІІ жүргізуші:

Бүгінгі  салтанатты қабылдаудың құрметті қонақтарымен таныстыруға рұқсат  етіңіздер:   

1. Мектеп директоры – Серикбаева Алия Елғазықызы

2. Тәрбие ісінің меңгерушісі – Камшыбаева Мөлдір Алибекқызы

3.

І жүргізуші:

      Алғашқы құттықтау сөз мектеп директоры - Серикбаева Алия  Елгазықызына ұсынылады.

ІІ жүргізуші: 

Қазақстан Республикасының Тәуелсіздік күні — тарихы тереңде жатқан елдің жаңа заманда өз алдына қайта егеменді ел болған күні.

.І жүргізуші: 

Ортаға «Жас ұлан» үгіт бригадасын шақырамыз. 

«Жас Ұлан» үгітбригадасы шығады

1. Оттай лаулаған көздері

Қайсар мінез жүректері,

Жас ұлан жастары

Тәуелсіз елдің тіректері

Бірге: «Жас Ұлан»

2. Жүректің қалауы! 

Бірге: «Жас Ұлан»

3. Көздің жарқырауы!

Бірге: «Жас Ұлан» 

4. Алға ұмтылады!

Бірге: «Жас Ұлан» 

5. Отанымызды өркендету - біздің азаматтық борышымыз! 

Сапты қайтадан түзу.

6.«Жас Ұлан»: үлкенге құрмет, кішіге ізет көрсетеді 

7. Ата-ананы қадірлейді

8. Білімге ұмтылады 

9. Қоғамға қызмет етеді

Бірге: Біз жастар!

10.Достық пен татулық тілегі,

Жас ұлан деп соғады жүрегі.

Бірге: «Жас  ұлан»! Тек алға!

І жүргізуші: 

«Жас Ұлан» ұйымының негізгі мақсаты – оқушылардың қоғамдық, танымдық және шығармашылық қабілеттерін дамыту. 

ІІ жүргізуші: 

Республикалық бірыңғай «Жас Ұлан» балалар мен жасөспірімдер ұйымына кіре отырып сендер: 

1. ҚР патриоты болуға;

І жүргізуші: 

1. Еліміздің мемлекеттік рәміздерін сыйлауға;   

ІІ жүргізуші: 

1. Отанымызды мақтаныш етуге;

І жүргізуші: 

1. Ата-аналарға құрмет көрсетуге; 

ІІ жүргізуші: 

1. Білімге ұмтылуға;

І жүргізуші: 

1. Салауатты өмір салтын жүргізуге;

ІІ жүргізуші: 

1. Табиғатты аялауға;

І жүргізуші: 

1.  «Жас Ұлан» жарғысын бұрмалауға және оны достарыңнан талап етуге; 

ІІ жүргізуші: 

1. Жерлестеріміздің даңқты ерлігі, өнегесі негізінде ерлікке үйренуге және Отанға шексіз қызмет етуге салтанатты түрде ант етіп, бұлжытпай орындауға тиіссіңдер!

І жүргізуші: 

Құрметті қонақтар және Жас ұлан ұйымының өкілдері, сіздерді «Жас Ұлан» ұйымына қабылданған оқушыларға туымыз түстес көгілдір галстук табыстау рәсіміне шақырамыз.

«Жас Ұлан» әнұраны қосылады

ІІ жүргізуші: 

Ортаға «Жас Қыран» ұйымына қабылданғалы отырған  2«А» сынып үздіктерін  шақырамыз. Сынып жетекшісі Темиргалиева Аян Кумаргалиевна. 

2 «А» сыныбына рахмет, орындарыңызға жайғасуға болады.  

І жүргізуші: 

Ортаға «Жас Қыран» ұйымына қабылданғалы отырған  2«Ә» сынып үздіктері мен  шақырамыз. Сынып жетекшісі Ултанбаева Гулнур Сайранхановна.

2 «Ә» сыныбына рахмет, орындарыңызға жайғасуға болады.  

ІІ жүргізуші: 

Ортаға «Жас Қыран» ұйымына қабылданғалы отырған  2 «Б» сынып оқушыларын шақырамыз. Сынып жетекшісі Дусупова Сындар Сагатбековна.

2 «Б» сыныбына рахмет, орындарыңызға жайғасуға болады.  

І жүргізуші: 

Ортаға «Жас Қыран» ұйымына қабылданғалы отырған  2«В» сынып үздіктері мен  шақырамыз. Сынып жетекшісі Елғазықызы Әсел.

2 «В» сыныбына рахмет, орындарыңызға жайғасуға болады.  

ІІ жүргізуші: 

Ортаға «Жас Қыран» ұйымына қабылданғалы отырған  2 «Г» сынып оқушыларын шақырамыз. Сынып жетекшісі Марсебаева Назгүл Асылбекқызы. 

2 «Г» сыныбына рахмет, орындарыңызға жайғасуға болады.  

І жүргізуші: 

Ортаға «Жас Қыран» ұйымына қабылданғалы отырған  2 «Д» сынып оқушыларын шақырамыз. Сынып жетекшісі Кусаинова Қымбат Ерболатовна. 

2 «Д» сыныбына рахмет, орындарыңызға жайғасуға болады.  

ІІ жүргізуші: 

2 сынып оқушылары бүгіннен бастан сендер Жас Қырандықсыңдар! Сендерді шын жүректен құттықтаймыз!

І жүргізуші: 

Келесі «Жас Ұлан»  ұйымына қабылданағалы отырған оқушыларға кезек берсек: 

Ортаға «Жас Қыран» ұйымына қабылданғалы отырған  5«А» сынып үздіктерін  шақырамыз. Сынып жетекшісі Сағатбекова Ақерке Қыдырмолдиновна.

5 «А» сыныбына рахмет, орындарыңызға жайғасуға болады.  

І жүргізуші: 

Ортаға «Жас Қыран» ұйымына қабылданғалы отырған  5 «Б» сынып оқушыларын шақырамыз. Сынып жетекшісі Султанбекова Айгерим Айдаровна.

5 «Б» сыныбына рахмет, орындарыңызға жайғасуға болады.  

ІІ жүргізуші: 

Ортаға «Жас Қыран» ұйымына қабылданғалы отырған  5 «В» сынып оқушыларын шақырамыз. Сынып жетекшісі Бұқабаева Дина Мұратовна.

5 «В» сыныбына рахмет, орындарыңызға жайғасуға болады.  

І жүргізуші: 

Ортаға «Жас Қыран» ұйымына қабылданғалы отырған 5«Г» сынып үздіктері мен  шақырамыз. Сынып жетекшісі Еделқызы Мадина.

ІІ- жүргізуші: Құрметті, оқушылар «Жас Қыран» және «Жас Ұлан» ұйымына салтанатты түрде қабылдануларыңызбен құттықтаймыз! Егеменді еліміздің еңселі азаматтары болуларыңызға тілектеспіз! 

І жүргізуші:

Бүгінгі жиынның ең жауапты сәті, ант тапсыру рәсімі!  5-«А» сынып оқушысы Алимханова Ажарды ортаға шақырамыз.

Анттың мәтіні:

         Мен, ____________________, Республикалық бірыңғай «Жас Ұлан» балалар мен жасөспірімдер ұйымының қатарына кіре отырып:

Өз Отаным – Қазақстан Республикасының патриоты болуға;

Мемлекеттік рәміздерді құрметтеуге, дәріптеуге;

Туған елім, жерім, Отанымды мақтаныш етуге;

Ата-анамды қадірлеуге;

Үлкенге құрмет, кішіге ізет көрсетуге;

         Білімге табандылықпен  ұмтылуға; 

         Салауатты өмір салтын ұстануға;

Табиғатты аялауға;

«Жас Ұлан» Ережесін бұлжытпай сақтауға және оны өз достарымнан талап етуге ант етемін. Біздің жерлестеріміздің даңқты ерлігі, өнегесі негізінде ерлікке үйренуге және Отанға шексіз қызмет етуге салтанатты түрде

АНТ ЕТЕМІН, АНТ ЕТЕМІН, АНТ ЕТЕМІН! (Барлығы бірге)

ІІ жүргізуші: 

Құттықтау сөз мектеп директорының тәрбие жұмысы жөніндегі орынбасары Камшыбаева Мөлдір Алибекқызына береміз. 

Ортаға «Жас Ұлан» үгітбригадасын «Жас Ұлан» биімен ортаға шақырамыз!

І жүргізуші:

Біздің бүгінгі мерекемізге «Жас Ұландық» ағабуын 10 б сыныбы өз құттықтауымен келген екен, қане қошеметпен қарсы алайық! 

І жүргізуші:

Осымен бүгінгі салтанатты қабылдау өз мәресіне жетті.  

Түзел! Тік тұр!

«Жас Ұлан»  балалар мен жасөспірімдер ұйымының Туы шығарылсын.

ІI жүргізуші:

Қымбатты «Жас Ұлан» және «Жас Қырандықтар» біз сіздерді өмірлеріңіздегі осы атаулы оқиғамен  құтықтаймыз. Біз сіздерге Жас Ұландықтар абыройын жоғары ұстауға және өз еліңнін лайықты азаматы болуға тілектеспіз!   

І жүргізуші:

«Жас Ұлан»  балалар мен жасөспірімдер ұйымына салтанатты қабылдау рәсімін жабық деп жариялаймыз.

Бірге: Келесі кездескенше, қош сау болыңыздар!

Өзін -өзі басқару ұйымы Мектеп Парламенті Президентін ұлықтау  рәсіміне арналған салтанатты жиынның сценарийі

Барысы:

1 ЖҮРГІЗУШІ: Қайырлы күн қонақтар,ұстаздар және оқушылар!

2-ЖҮРГІЗУШІ: Назарларыңызға өзін -өзі басқару ұйымы Мектеп Парламенті Президентін және  кеңес төрағаларының  ұлықтау рәсіміне        қош келдіңіздер! (бірге)

 Болатбеков А.М.     Ұйым тік тұр! (оқушылар орныдарынан тұрады)

 «Жас Ұлан» бірыңғай балалар мен жасөспірімдер ұйымының туы енгізілсін!, сахна төріне Ту кіргізіледі.

2-ЖҮРГІЗУШІ: Түсініп терең, өмірдің мәнін

                              Жалынды жастар, сендерсің сәнім.

                              Беретін бойға күш-қуат, жігер

                              Шырқалсын шаттық гимн әнім! 

Қазақстан Республикасының мемлекеттік Гимні орындалады.

2-ЖҮРГІЗУШІ: 2024 жылдың  20 қыркүйек -20 қазан күндері аралығында өзін -өзі басқару  ұйымының Мектеп Парламенті Президентіне үміткер 5оқушы сайлау алды үгіт насихаттарын жүргізді. 

1-ЖҮРГІЗУШІ: Ал 28 қазан күні мектебімізде өткен жалпы Мектеп Парламенті Президентінің сайлауында  322 сайлаушы өз дауыстарын беріп, сайлау мәресіне жетті.

2-ЖҮРГІЗУШІ: Сонымен, бүкіл мектептік сайлау нәтижесінде Мектеп Парламенті Президентінің лауазымына, атап айсақ  пайыз дауыс жинаған ---  « 420» сынып оқушысы Сеитова Камшат 8в сайланды.

1-Жүргізуші: Олай болса,өзін-өзі басқару ұйымының мектеп Парламенті Президентін құрметпен Сеитова Камшатті ортаға шақырайық!

1-ЖҮРГІЗУШІ:Сайлау қорытындысы бойынша жоғары дауыс жинаған           5 үміткер өзін-өзі басқару ұйымының құрамына енді.

2-ЖҮРГІЗУШІ: Олардың барлығы жаңа идеяларын ұсынып, өз бағдарламалары мен жобаларын дамытып жетілдіре білді.

1-ЖҮРГІЗУШІ: Олай болса, өзін-өзі басқару ұйымының фракция көшбасшыларын ортаға шақырып, құрметпен қарсы алайық!

БЕЛСЕНДІЛЕР ОРТАҒА ШАҚЫРЫЛАДЫ

1.   Кенжал Айсана «Жеті жарғы» бағыты

2.   Кумарова Ясмина, Төлегенова Айзере «Отан» бағыты

3.     Ахмет Бегалы, Шайзолданова Айлана , Жаныбекова Диана «Зерде» бағыты                                             

4. Тургалиева Айару, Дәулетұлы Ислам «Руханият» бағыты

5. Берікұлы Бекарыс, Сагатбеков Акнур «Салауат» бағыты                   

6.Мамырбек Аңсар, Бердібекқызы Інжу, Акрамова Ақбота «Еңбек» бағыты                         

7. -Досумова Тамила, Мұратбек Айерке, Бауржанқызы Інжу «ЭКО әлем» бағыты                      

1-ЖҮРГІЗУШІ: Мектеп  Парламенті Президенті  мен Көшбасшылары алдағы уақытта мектеп өмірін жандандырып көркейтеді деген сенімдеміз.

2-ЖҮРГІЗУШІ: Өзін-өзі басқару ұйымының Мектеп Парламенті Президентін ұлықтауға және Кеңес төрағаларының төсбелгілерін тағу рәсімі құрметпен   

Мектеп директоры – Серикпаева Алия Елғазықызы 

Жас ұлан ұйымынын салтанатты түрде  галстук  тағу  рәсіміне  кезек берсек 

Қонақтарға сөз беріледі.

1-ЖҮРГІЗУШІ: Құттықтау сөз  Мектеп директоры Серикпаева Алия Елғазықызы  және ұлағатты ұстаз Қожатаев Қасым ағайға беріледі.

1-ЖҮРГІЗУШІ: өзін-өзі басқару ұйымының Мектеп Парламент Президенті  Сеитова Камшатты салтанатты түрде АНТ қабылдауына рұқсат етіңіздер.

АНТ БЕРІЛЕДІ. АНТ БЕРІЛГЕННЕН КЕЙІН,

2-ЖҮРГІЗУШІ: 1. «Жас Ұлан» ұйымының туы шығарылсын!

ТУ ШЫҒАРЫЛАДЫ

ӘН Абай Бектұрар «Елімнің әнұраны»

1-ЖҮРГІЗУШІ:

Көшбасшылар жарасып сан- салалы,

Шара десе, жиын десе жар салады.

Салтанатты жиынның құрметіне,

Әуелеген әсем ән жолданады.

2-ЖҮРГІЗУШІ: Өзін-өзі басқару ұйымының Мектеп Парламенті Президентін және кеңес төрағаларының ұлықтау рәсіміне арналған салтанатты жиыны өз мәресіне жетті.

Қуанышты күндерде кездескенше сау саламатта болыңыздар!!!

Оқушылардың өзін-өзі басқару ұйымының жұмыс барысы

Бүгінгі таңда «Жас ұлан» құрамына 302 оқушы, «Жас қыран» 472 оқушы қабылданды. Барлығы 774 оқушы.

Балалар ұйымына мүшелерді қабылдау және қалалық рейтинг бойынша 2022-2023 оқу жылындағы мониторингіне қарағанда, осы бағыттағы тәлімгердің 2023-2024 оқу жылындағы ұйымдастырушылық жұмысын жоғары деп баға беруге болады.   Атап айтсақ: «Оқушылар шығармашылық сарайы» ҚМҚК директоры Г.В Асташкинаның «Жетелей алатын Көшбасшы» аты 3 күндік көшбасшыларын өткізгені үшін, «Мықты көшбасшы-мықты мектеп парламенті» атты 3 күндік көшбасшылар мектебін өткізуге қосқан үлесі үшін, аға тәлімгерлер мен педагог-ұйымдастырушылар шығармашылық тобында белсенді қызмет жасағаны үшін, «Мектептің өзін-өзі басқаруды, көшбасшының жетістігін жобалау» тақырыбында өткізілген көшбасшылардың көшпелі мектебін ұйымдастыруға атсалысқаны үшін  бірнеше мәрте тапсырған «Алғыс хаттарынан» көруге болады. 

Кестеде 2022-2023,2023-2024 оқу  жылдарындағы ұйымға қабылданған оқушы саны көрсетілген.  Өткен оқу жылымен салыстырғанда 5,2% өсу бар. 2024-2025 оқу жылында жоспарға сай 14.10.24 күні мектеп Президентіне сайлау өткізіліп, ұйымға қабылдау қалалық жоспарға сай желтоқсан айында өткізіледі.

Нәтижесінде:Тұрақты жас маман жұмысқа алынып, жұмыс жанданды. Оқушылар белсенділігі жоғарлады.Қалалық өзін-өзі басқару ұйымының 2023-24 оқу жылындағы жұмыс рейтингісінің қорытындысы бойынша 2-орынға ие болды. Өзін-өзі басқару ұйымының дамуы мен қалыптасуына жеке үлес қосқаны үшін мектеп президенті Тұрсынғазыева Диляра, Бедіқожа Темірлан қалалық өзін-өзі басқару ұйымының көшбасшысы атанып,  оқушылар шығармашылық сарайының директоры Г.В.Асташкинаның алғыс хатымен марапаталды. 

Өзін-өзі басқару ұйымының арнайы кабинеті ашылып, оқушылар емін-еркін шығармашылықпен айналысуға мүмкіндік жасалды.

Білім беру ұйымдарында 

балалар мен жасөспірімдер ұйымдарының 

қызметін ұйымдастыру жөнінде 

мектеп педагог-ұйымдастырушыларға арналған

НҰСҚАУЛЫҚ

 «ЖАС ҰЛАН» ҰЙЫМЫНЫҢ МАҚСАТЫ, МІНДЕТТЕРІ ЖӘНЕ ҚҰРЫЛЫМЫ

«Жас Ұлан» бірыңғай балалар мен жасөспірімдер ұйымының моделі – балалардың қазіргі замандық қоғамда өз орнын табуына,   отаншылдық және азаматтық жауапкершілікті сезінуіне, еркін шығармашылық қабілеттерін дамытуына мүмкіндік береді.

«Жас Ұланның» негізгі мақсаты – оқушылардың бойында отаншылдық пен мемлекетшілдік сезімін жетілдіруді, мәдени қарым-қатынастарды терең сезінуді, адамгершілік қағидалары мен азаматтық жауапкершілікті түйсінуді, шығармашылық қабілеттерін дамыту мен өресінің биік болуын көздейді. 

Міндеттері:

- Қазақстан халқының тілін, мәдениетін, тарихын білу негізінде өскелең жас ұрпақтың бойында рухани-адамгершілік әлеуетті қалыптастыру;

- балалар мен жасөспірімдердің азаматтық белсенділігі мен саналылығын арттыру;  

- танымдық жұмыстарды ынталандыру;

- балалар мен жасөспірімдердің зияткерлік, шығармашылық және әлеуметтік  дамуы үшін қолайлы жағдай жасау;

-жауапкершілік пен еңбексүйгіштікті қалыптастыруға, көшбасшылық және ұйымдастырушылық қабілеттерін дамытуға бағытталған баланың жеке тұлғалық қасиеттерін дамыту.

МҮШЕЛІК, ОҒАН ҚАБЫЛДАНУ ЖӘНЕ ШЫҒУ ТӘРТІБІ

«Жас Ұлан» ұйымында мүше болудың екідеңгейлі жүйесі бар.  «Жас Ұланның» жоғары буынына  5-10 сынып, ал «Жас Қыран» төменгі буынына –  1-4 сынып оқушылары, сонымен қатар «Жас Ұланға» өз үлесін қосуға және оның мүшесі болуға ерікті түрде ниет білдірген  балалар мен жасөспірімдер қабылданады.

 Мүшелерді ұйымға қабылдауды «Жас Ұлан»  бастауыш ұйымы жүргізеді. Ұйымға қабылдау жылына 3 рет өткізіледі: 1 мамыр – Қазақстан халқының бірлігі күні, 6 шілде – «Жас Ұлан» құрылған күні, 16 желтоқсан – Тәуелсіздік күні. 

«Жас Ұланнан» ерікті түрде шығу үшін «Жас Ұлан»   бастауыш ұйымының жетекшісіне жазбаша өтініш береді. 

 «Жас Ұлан» Ережесін бұзған ұйым мүшелеріне келесідей шаралар қолданылады: ұйымның жалпы жиналысында талқылау, ескертулер жасау, сөгіс жариялау, ұйымнан шығару туралы ескерту жасау. Ең қатаң шара – ұйымнан шығару. 

 Ұйымнан шығару мәселесі бастапқы ұйымның жалпы жиналысында қаралады. Шығару туралы шешім Мектеп комитеті мүшелерінің кемінде 2/3-і дауыс берген жағдайда ғана қабылданады және бекітілгеннен кейін күшіне енеді.

«ЖАС ҰЛАН» МҮШЕЛЕРІНІҢ ҚҰҚЫҚТАРЫ МЕН МІНДЕТТЕРІ

  «Жас Ұлан» мүшелерінің құқықтары: 

- «Жас Ұлан» қызметіне белсенді қатысу;  

- «Жас Ұлан» басқару органының құрамына сайлану және сайлау;  

- «Жас Ұлан» жұмысының бағдарламаларын жүзеге асыру барысындағы табыстары және ерекше жеке жетістіктері үшін мақтаулар мен мадақтаулар алу (грамоталар, дипломдар, жазғы және сауықтыру лагерлеріне жолдама, «Жас Ұлан» Алтын Кітабына ену»); 

- «Жас Ұлан» органына өтініш, арыз, сұрақтар, бастамалар мен ұсыныстар беруге; 

- Ұйымның барлық деңгейінде қызметі туралы ақпарат алуға; 

 «Жас Ұлан» мүшелерінің міндеттері: 

- Қазақстан Республикасының мемлекеттік рәміздерін сыйлау (Ту, Елтаңба, Әнұран), өз елінің патриоты болу; 

- «Жас Ұлан» Ережесін және  басқару органдарының шешімін орындау; 

- «Жас Ұланның» өзге мүшелері мен олардың құқықтарын құрметтеу, мойындау;

- оқуда, қоғамдық жұмыстарда, еңбекте үлгілі болу; қоғамдық мүлікті сақтау, мәдениетті болу;  

- салауатты өмір салтын ұстану, оны өз құрдастары арасында насихаттау;

- үлкенге құрмет, кішіге ізет көрсету.  

«Жас Ұланнан» ерікті түрде шығу үшін «Жас Ұлан»   бастауыш ұйымының жетекшісіне жазбаша өтініш береді. 

 «Жас Ұлан» Ережесін бұзған ұйым мүшелеріне келесідей шаралар қолданылады: ұйымның жалпы жиналысында талқылау, ескертулер жасау, сөгіс жариялау, ұйымнан шығару туралы ескерту жасау. Ең қатаң шара – ұйымнан шығару. 

 Ұйымнан шығару мәселесі бастапқы ұйымның жалпы жиналысында қаралады. Шығару туралы шешім Мектеп комитеті мүшелерінің кемінде 2/3-і дауыс берген жағдайда ғана қабылданады және бекітілгеннен кейін күшіне енеді.

«ЖАС ҰЛАН» МҮШЕЛЕРІНІҢ ҚҰҚЫҚТАРЫ МЕН МІНДЕТТЕРІ

  «Жас Ұлан» мүшелерінің құқықтары: 

- «Жас Ұлан» қызметіне белсенді қатысу;  

- «Жас Ұлан» басқару органының құрамына сайлану және сайлау;  

- «Жас Ұлан» жұмысының бағдарламаларын жүзеге асыру барысындағы табыстары және ерекше жеке жетістіктері үшін мақтаулар мен мадақтаулар алу (грамоталар, дипломдар, жазғы және сауықтыру лагерлеріне жолдама, «Жас Ұлан» Алтын Кітабына ену»); 

- «Жас Ұлан» органына өтініш, арыз, сұрақтар, бастамалар мен ұсыныстар беруге; 

- Ұйымның барлық деңгейінде қызметі туралы ақпарат алуға; 

 «Жас Ұлан» мүшелерінің міндеттері: 

- Қазақстан Республикасының мемлекеттік рәміздерін сыйлау (Ту, Елтаңба, Әнұран), өз елінің патриоты болу; 

- «Жас Ұлан» Ережесін және  басқару органдарының шешімін орындау; 

- «Жас Ұланның» өзге мүшелері мен олардың құқықтарын құрметтеу, мойындау;

- оқуда, қоғамдық жұмыстарда, еңбекте үлгілі болу; қоғамдық мүлікті сақтау, мәдениетті болу;  

- салауатты өмір салтын ұстану, оны өз құрдастары арасында насихаттау;

- үлкенге құрмет, кішіге ізет көрсету. 

ҚҰРЫЛЫМЫ 

«Жас Ұлан»  негізі  «Жас Ұланның» бастауыш ұйымы  болып табылады. 

МЕКТЕП ДЕҢГЕЙІНДЕГІ ҰЙЫМ ҚҰРЫЛЫМЫ

Бастауыш ұйым мектептің деңгейінде еріктілік негізінде құрылады. 

«Жас Ұланның» бастауыш ұйымы «Жас Ұлан» мектеп комитеті болып табылады.  

  «Жас Ұлан» бастапқы ұйымдары (бұдан әрі – Мектеп комитеті) «Жас Ұлан» мектеп комитетінің жалпы жиналысының шешімімен құрылады. Мектеп Комитетінің жалпы жиналыс шешімі, егер оған барлық сыныптардың көшбасшылары, ұйым бағыттарының жетекшілері қатысқанда ғана қабылданды деп  есептеледі.

  «Жас Ұлан»   көшбасшысы – барлық деңгейде «Ұлан басшысы» деп аталады, ол 9-10 сынып оқушылары арасынан жалпы жиналыста ашық дауыс беру жолымен бір оқу жылына сайланады.

  Атқарушы орган – Мектеп комитетін атқарушы хатшы басқарады, оны (педагог, тәлімгер,   ұйымдастырушы - әдіскер мектеп ұстаздары қатарынан)  Мектеп комитетінің жалпы жиналысында   «Жас Ұлан»   аудандық кеңесі және мектеп әкімшілігінің келісуі бойынша бекітеді.  

АУДАНДЫҚ/ҚАЛАЛЫҚДЕҢГЕЙІНДЕГІ ҰЙЫМ ҚҰРЫЛЫМЫ

  Аудандық/Қалалық атқарушы хатшыны аудандық/қалалық Кеңестің шешімімен Аудандық/қалалық білім басқармасы және Облыстық Кеңестің келісімі бойынша бекітеді.   Аудандық/Қалалық Кеңес құрамына Мектеп комитеттерінің атқарушы хатшылары және «Ұлан Басшылары» кіреді.

ОБЛЫСТЫҚ ДЕҢГЕЙІНДЕГІ ҰЙЫМ ҚҰРЫЛЫМЫ

 Облыстық атқарушы хатшыны облыстық Кеңестің шешімімен облыстық білім басқармасы және Республикалық Кеңестің келісімі бойынша бекітеді.

Облыстық Кеңес құрамына Аудандық/Қалалық Кеңестердің атқарушы хатшылары және «Ұлан Басшылары» кіреді.

«ЖАС ҰЛАН» қызметінің негізгі бағыттары мен мазмұны

Санасына ұлттық құндылықтар сіңген, білімді де тәрбиелі ұрпақ қалыптастыру үшін жан-жақты барлық саланы қамтитын бағыттар ұйымдастыру керек:

«Зерде» бағыты бойынша –«жасұландықтардың»  интеллектуалдық мәдениетін, ойлау қабілетінің белсенділігін, ақыл-ой деңгейін және шығармашылық қабілеттерін қалыптастыруға және дамытуға, туындаған мәселелерді шешу, жоспар құру және өзіндік өмірлік іс-әрекеттеріңді басқаруға, бүгінгі жаңа ғылыми дүниетанымды иегеруіне, балалардың интеллектуалдық ойындарға, дебаттарға, олимпиадаларға, конференцияларға, жобаларға және зерттеу жұмыстарына қатысуына әсер ететін  бағыт.

«Руханият» бағыты бойынша –«жасұландықтардың» өзіндік және басқа халықтардың адамгершілік, этикалық, бейнелеу-эстетикалық негіздерін дамытуға және қалыптастыруға, өз түсініктеріңді басқа адамдар мен әлеуметтік топтардың қызығушылықтарымен біріктіруге, жеке тұлғаның әдеп ұстанымын, оның  қоғам өмірінің нормалары мен дәстүрлерімен келістірілетін моральдік қасиеттерін және бағдарларын қалыптастыруға, қоғамның қазіргі құрылымын түсінуге және осы қоғамда әлеуметтік-адамгершілік құндылықтар және әлеуметтік бағыттар негізінде қызмет етуге мүмкіндік беретін бағыт.

«Атамекен» бағыты бойынша –«жасұландықтардың» санасында қазақстандық танымның және мәдени түсініктің қалыптасуына, азаматтық парыздың орындалуына, толеранттылық пен патриоттық, отанға қызмет етудің маңыздылығы, өз халқың үшін мақтаныш сезімі, мемлекеттік рәміздерді, мемлекеттің және туған өлкеңнің идеологиялық негіздерін білуге жағдай жасайтын бағыт.

«Салауат» бағыты бойынша –«жасұландықтардың» салауатты өмір салтын қалыптастыруға, спорттық, туристік, экспедициялық және өлкетанушылық бағдарламаларды ұйымдастыру арқылы дене шынықтыруды дамытуға әсер ететін бағыт.

«Еңбек» бағыты бойынша –«жасұландықтардың»бойында еңбектің  ең бірінші өмірлік қажеттілік, өмірлік табыстарға жетудің басты тәсілі мен жоғары құндылық екендігін түсіндіретін,олардың  мамандандырылған бейініне әсер ететін, «бизнес-инкубаторлар» мен балалар кәсіпорындарын құру арқылы кәсіптік білім беретін, кәсіпкерлік, экономикалық және құқықтық біліктіліктерін қалыптастыратын бағыт.

«Жеті жарғы» бағыты бойынша –«жасұландықтардың»  тұлғалық, әлеуметтік, құқықтық біліктіліктерін, азаматтық белсенділіктерін және саяси сауаттылығын, өз міндеттерін орындау және өз құқығын қорғай білу қабілеттерін қалыптастыратын,  тәрбиеленушілердің құқықтық санасын, олардың балалар мен жастар ортасында құқық бұзушыларға қарсы тұруға дайындығын дамытатын бағыт.

«Экоәлем» бағыты бойынша –«жасұландықтардың»  материалдық құндылықтарды сақтауға байланысты қоршаған ортаға дұрыс қатынас орнату және табиғат қорларын тиімді пайдалануға бағытталған экологиялық мәдениетті қалыптастыратын бағыт.

(Аталған 7 бағыт бойынша «жас ұландық» құрылымның деңгейлік көрсеткіштеріне сәйкес мектепішілік клубтар құру көзделеді).

Осы бағыттар мен мұнда айқындалған түсініктерді қолдану арқылы әрбір баланың бойындағы өнері мен көшбасшылық қасиеттерін ашуға жәрдемдесуіміз керек. Егер олар өздері қалыптастыра білген болашақпен өмір сүретіндерін түсінсе, сонда ғана біз Елбасы айтқан «Алтын ғасырдың» қалыптасуына өз үлесімізді қоса аламыз.

«Жас Ұлан» қызметінің негізгі бағыттары мен мазмұны жөнінде жұмыстарды ұйымдастыру жөніндегі кестелік нұсқаулық

«Жас Ұлан» ұйымы құрылымының деңгейлік сипаттамасы:

«Жас Ұлан ұйымының ең жоғарғы басқару органы – 2 жылда кемінде бір рет өткізілетін Республикалық Құрылтай болып табылады.

Басқару органында Республикалық деңгейде жетекшілер атынан Кеңес төрағасы (ересек адам) және жасұландықтардан 16 Ұланбасы (республикалық деңгейде бір ұланбасы тағайындалMayды, 16 өңірден келген 16 ұланбасы бірдей құқыққа ие) басшылық етеді.

 Атқарушы орган – 16 өңірлік Ұланбасы мен жетекшілер құрайтын Республикалық Кеңес.

 Аймақ бойынша жасұландықтарды Аймақтық (облыстар, Астана және Алматы қ.қ.) кеңес пен аймақтың Ұланбасы басқарады. Оларға сол аймақтың «Жас Ұлан» ұйымы жетекшісі (ересек адам) жетекшілік етеді.

Олар:

а) 1-4 сынып оқушыларын қамтитын алғашқы ұйымдық құрылым;

ә) 5-8 сынып оқушыларын қамтитын ортабуындық ұйымдық құрылым; 

б) 9-11 (12) сынып оқушыларын қамтитын жоғарғы ұйымдық құрылым.

«Ұланбасы» - «Жас Ұлан» көшбасшысы, оқушылардың өзін-өзі басқару органының жетекшісі болып есептеледі, мектеп оқушыларының қоғамдық қызметін басқарады, оқушылар мен мектеп әкімшілігінің өзара қатынастарын жүзеге асырады, мектеп қызметін жақсарту мақсатында өзінің және оқушылардың атынан ұсыныстар енгізеді, оқушылар мен ұстаздар арасында туындаған мәселелерді шешуге атсалысады, түрлі әлеуметтік жобалар мен шараларды ұйымдастырады.

«ЖАС ҰЛАН» МЕКТЕП КОМИТЕТІНІҢ ЕРЕЖЕЛЕРІ

ЖАЛПЫ ЕРЕЖЕЛЕР

«Жас Ұлан» мектеп комитеті (бұдан әрі – Комитет) – оқушылардың бірлесе басқару жүйесінің жоғарғы органы.

Комитет «Жас Ұлан» РББЖҰ мен мектеп әкімшілігі алдында жауапты.

Мектептің барлық оқушылық құрылымдарына Ұйымның шешімдері міндетті болып табылады.

Ұйымды оқушылар арасынан сайланған Ұйымның Ұланбасы басқарады.

Ұйым өзінің қызметінде Қазақстан Республикасының Конституциясы негізінде, «ҚР жоғарғы білім туралы» заңымен, «ҚР-дағы мемлекеттік жастар саясаты туралы» заңымен, «Жас Ұлан» ББЖҰ РҚБ шешімдерімен, бұйрықтарымен, өкімдерімен, ережелерімен және қазіргі Жарғымен басшылық етеді.

Ұйымның өзінің мөрі, логотипі, мүшелік куәлігі, бланк және басқа да реквизиттері, сонымен қатар өзінің сенім пошталары бар.

МАҚСАТТАРЫ МЕН МІНДЕТТЕРІ

Оқушылардың белсенділігін арттыру үшін жағдай жасау;

Оқушылардың азаматтық ұстанымын, қоғамның қазіргі уақыттағы өзекті проблемаларын шешуге белсенді қатысуын ұйымдастыру;

Мектеп оқушыларының құқықтары мен мүдделерін қорғау;

ØОқушылардың мектептегі оқу-тәрбие процесін дамытуға белсенді қатысу;

ØОқушылар арасында Қазақстандық отансүйгіштікті, Қазақстан халықтары бірлігі идеясын насихаттау;

ØОқушылардың әлеуметтік-құқықтық мәселелерін шешуге қатысу;

ØМектеп оқушыларының шығармашылық және басқару қабілеттерін дамытуды оқушылардың бірлесе басқару ұйымына қатысу арқылы жүзеге асыру;

ØОқу ордасын үшін мақтаныш сезімін тәрбиелеу, мектептегі өмірінің дәстүрін қалыптастыру;

ØОсы Жарғының сақталуын қадағалау;

ØОқушылар арасында республика көлемінде жүргізіліп жатқан реформаларды талқылау жұмыстарын жүргізу, құқықтық мемлекет және азаматтық қоғамның дамуында белсенді ұстанымға тәрбиелеу;

ØМектеп оқушыларының әлеуметтік, экономикалық, мәдени мәселелерін шешуге бағытталған бағдарламаларды дайындау және жүзеге асыру;

ØОқушылардың ғылыми-зерттеу жұмыстарын ұйымдастыруға және олардың ғылыми қабілетін дамытуға атсалысу;

ØТалантты оқушыларды марапаттауға ұсыныс жасау;

ØОқушылар арасында салауатты өмір салтын насихаттау;

ØОқушылардың бос уақытын мазмұнды, тиімді өткізуін ұйымдастыру;

ØБілім беру мекемесі оқушыларының бірлесе басқару органының, құрылымдық бөлімдерінің қызметіне басшылық ету. (топбасы, бөлім басы және т.б.);

ØБасқа мектептермен, жоғары және орта-кәсіптік оқу орындарымен байланысты нығайту.

Ø

КОМИТЕТ ҚҰРЫЛЫМЫ МЕН АТҚАРЫМДЫҚ МІНДЕТТЕРІ

Комитет құрамы Ұланбасыдан, Ұланбасы орынбасарларынан, Бөлімбасылардан, Старосталардан және өзге де құрылымдық бөлімшелерден тұрады.

Ұйымның Ұланбасы

Осы лауазымға берген оқушылардың өтініші және қажетті құжаттарын ұсына отырып мектеп Ұланбасын сайлауға қатысады. Ұланбасы жалпы мектепішілік ашық дауыс беру арқылы сайланады;

Ұланбасы мектеп оқушыларының алдында және «Жас Ұлан» ББЖҰ РҚБ алдында жоспарға сай есеп береді;

Ұланбасы ұйымды 1 жыл уақыт аралығында басқарады. Басқару уақытын ұзарту, оның жұмысының сапасымен және нәтижесімен бағаланады. 

Ұланбасының атқаратын міндеттері мен функциялары:

Барлық міндеттер мен бағыттардың орындалуын қадағалау;

«Жас Ұлан» ББЖҰ РҚБ берген тапсырмаларын орындауын іске асыру;

Оқушылардың ұлтына, тіліне, әлеуметтік жағдайына қарамастан тең құқығын қорғау;

Мектеп оқушылары атынан жиналыстарға қатысу;

Мектеп оқушыларының өзін-өзі басқару ұйымының жұмыс істеуін қадағалау;

Бөлімбасылары мен Старосталардың есебін тыңдау және бекіту;;

Белсенді оқушыларды мадақтауға ұсыныстар енгізу;

Жоспарлауға және мектеп педагогикалық кеңестеріне қатысу.

Комитеттің үлгі бөлімдері

Мәдени-тәрбиелік бөлімі;

СӨС бөлімі;

Сыртқы істер бөлімі;

Information бөлімі;

Ғылыми бөлім.

Ұйымның Бөлімбасылары

Бөлімбасылары құрамына үміткерлерді Ұйымның Ұланбасы мектеп кеңесінің жиналысында ұсынады. Кеңес мүшелері ашық сайлау арқылы Бөлімбасыларды таңдайды.

Бөлімбасылар аптасында бір рет Ұланбасы алдында есеп береді;

Бөлімбасыар 1 жыл уақытқа тағайындалады. Басқару уақытын ұзарту, оның жұмысының сапасымен және нәтижесімен бағаланады;

 Мәдени-тәрбиелік Бөлімбасының атқаратын міндеттері мен функциялары:

Мектепішілік іс-шараларды ұйымдастыру;

Концерттік бағдарламалар, байқаулар ұйымдастыру;

Волонтерлар тобынның жұмысын белсендіру;

Халықаралық және республикалық конкурстарға қатысатын оқушыларға көмек көрсету (жанкүйерлер, ақпарат және т.б.).

Салауатты өмір салтын насихаттау Бөлімбасының атқаратын міндеттері мен функциялары:

Оқушыларды салауатты өмір салтына тәрбиелеу мақсатында әр түрлі акциялар мен конкурстар өткізу;

Спорттық шаралар ұйымдастыру; 

Халықаралық және республикалық спорт конкурстарына қатысатын оқушыларға көмек көрсету (жанкүйерлер, ақпарат және т.б.).О

Оқушылардың спорттық жетістіктерімен хабардар болу;

Мектепте салауатты өмір салтын насихаттау жөнінде ұсыныстар енгізу.

Сыртқы істер Бөлімбасының атқаратын міндеттері мен функциялары:

Қалалық және республикалық ұйымдармен байланыс орнату бағытында жұмыс жасау;

Жасөспірімдер өзін өзі басқару органдарының басқа мектептердегі ұйымдарымен байланысты нығайту;

•Қалалық, республикалық және халықаралық деңгейдегі шараларды ұйымдастыру;

•Мектеп шараларында хаттама мен бағдарламаның орындалуын қадағалау.

Informationтық Бөлімбасының атқаратын міндеттері мен функциялары:

•Мектептегі БАҚ-ты (газет, радио және web-сайт) оқушылардың өзін-өзі басқару құрылымының жұмыстары туралы мәліметтермен үнемі қамтамасыз ету; 

•Аталмыш құрылым туралы БАҚ-та жарияланған деректерді жинап отыру;

•Жергілікті және республикалық БАҚ-ты мектеп оқушыларының жетістіктері мен жаңалықтары туралы мәліметтермен қамтамасыз ету;

•Жас журналистер мен қаламгерлердің шығармашылығының БАҚ-та жариялануына ықпал ету;

•Мектепте қабырға газеттерін жасап отыру;

•www.zhasulan.kz сайты мен оқушыларға арналған әлеуметтік желісін алға тарту;

•Жас журналистер мен қаламгерлердің кәсіби біліктілігін жетілдіру бағытындағы түрлі іс-шаралар өткізіп отыру.

Ғылыми Бөлімбасының атқаратын міндеттері мен функциялары:

•Мектеп қабырғасында ғылыми зерттеулердi ұйымдастыруды жетілдiру және олардың бәсекеге қабiлеттілігін арттыру;

•Оқушылардың ғылыми-зерттеу жұмыстарын ұйымдастыру және қатысу;

•Халықаралық, республикалық оқушылардың ғылыми конференцияларын, симпозиумдары мен жиналыстарын өткізуді ұйымдастыруға қатысу;

•Оқушыларды ғылыми жаңалықтардан хабардар етіп отыру;

•Республикалық, халықаралық конкурстарға қатысу, жобаларды жүзеге асыру.

Сынып Старостасы

 - Комитет шешімдері мен тапсырмаларын сынып деңгейінде жүзеге асырады;

 - Осы Ереже мен Комитет шешімдерін өзінің қызметіне басшылыққа алады.

 - Староста сынып оқушыларының арасында сайланады.

 - Староста Ұланбасы және Бөлімбасылар алдында жоспарға сай есеп береді.

Старостаның атқаратын міндеттері мен функциялары:

•Староста өзінің жұмысын жүзеге асыруда жауапты болады;

•Сыныптың ішкі тәртібі мен осы Ереженің қолданылуын қамтамасыз ету;

•Комитетті оқу және әлеуметтік-тәрбие аумағында туындаған мәселелермен хабардар ету;

•Комитеттің тәртібі мен заңдарының сақталуына жауап береді;

•Белгіленген тәртіп бойынша сынып оқушыларына байланысты жиналыстар мен кеңестерге қатысу;

•Басқа сыныптың Старосталармен біріге отырып оқушылар мәселелері  жайлы жоспарлар құру;

•Белсенді оқушыларды марапаттауға ұсыну.

•ҰЙЫМҒА МҮШЕЛІК

  Ережеге сәйкес, бірлесе басқару ұйымының барлық қатысушы оқушылары Комитет мүшесі бола алады.

  Егер Комитет мүшесі өрескел түрде осы Ереженің талаптарын бірнеше рет бұзған жағдайда Комитет мүшелігінен шығарылады.

Комитет мүшелері құқылы: 

Комитеттің Кеңейтілген жиналыстарында ұсыныстар мен сұрақтарды талқылау; 

Құрылымдық бөлімдер жиналыстарына қатысу;

Бөлімбасылар алдында сұрақ қоюға, оларға өтініш жазуға, ұсыныстар енгізуге және жауап талап ету;

Комитет мүшелерінің жұмысы туралы ақпаратты білу;

Ұйымның барлық мерекелік іс-шараларына қатысу;

Комитет мүшелерінің міндеттері:

ØОсы Ережені сақтау;

ØКомитет жұмысына белсенді қатысып, қабылданған шешімдер мен қойылған талаптарды орындау;

ØКомитет беделін арттыру, оның қызметінің дамуына қатысу, Мектеп мәртебесінің артуына көмектесу, жасұландық дәрежесін биік ұстау;

ØКомитеттің және Ұланбасының шешімдерін орындау және құрылымдық бөлімдермен үнемі байланыста болу; 

ØКомитет қатарына жаңа белсенді оқушыларды тарту;

ØКомитеттің мақсаттары мен міндеттерін насихаттау және қорғау.

Республикалық «Жас Ұлан» бірыңғай балалар мен жасөспірімдер ұйымы мүшелерінің

КОДЕКСІ

(«Жасұландықтардың» мінез – құлық, оқу мен тәртіп этикасының қағидалары)

Жалпы ережелер

1 )  «Жасұландық» ұйым мүшесі болу мемлекет пен ұстаздар тарапынан ерекше сенім білдіру болып табылады.

«Жас Ұлан» мүшесінің оқу, тәрбие, тәртіп, қоғамдық жұмыстарға араласуына жоғары талаптар  қойылады және оған үлкен сенім білдіреді.

2 )  «Жас Ұлан»  ұйымының мүшесі ұйымға қабылданғаннан кейін бір ай ішінде осы Кодекспен жазбаша түрде таныстырылуы керек және тәлімгерлер мен жетекшілер, Ұланбасылар тарапынан ауызша түрде де түсіндірілуі шарт.

«Жас Ұлан» ұйымы мүшесінің мінез – құлық, оқу мен тәртібінің жалпы қағидалары

«Жас Ұлан» ұйымының мүшесі:

1 .   Өз үйінде:

1.1 Отбасылық құндылықтарды сақтауға және ата – баба дәстүрін құрметтеуге.

1.2 Ата – анасын сыйлауға және ата - анасының рұқсатымен іс – әрекет етуге;

1.3 Бірге туған бауырларын қадірлеуге және олармен санасуға;

1.4 Сабақтан тыс және бос уақытын отбасы тәртібіне сәйкес тиімді пайдалануға тиісті. 

2. Мектепте:

2.1 Мектеп ережелеріне сәйкес іс – әрекет етуге;

2.2 Білімін үнемі жетілдіруге және оны тиімді пайдалануға;

2.3 Жалпы мектепішілік тәртіп нормаларын сақтауға;

2.4 Ұстаздарын құрметтеуге және оларды үмітін ақтауға;

2.5 Сыныптастары және «жасұландық» ұйымының өзге де мүшелерімен достық қарым – қатынас орнатуға;

2.6 Мәдениетті, сыпайы, адал, кішіпейіл болуға және өтірік айтпауға;

2.7 Өзіне сеніп тапсырылған ұйымның мүлкін (киім, төсбелгі) күтіп ұстауға;

2.8 Зиянды және жағымсыз әдеттер  мен іс – әрекеттерден аулақ болуға және сабақ уақытында сыртта жүрмеуге;

2.9 Интеллектуалдық, шығармашылық, мәдени, спорттық жарыстарға қатысуға және өз тәжірибесімен бөлісуге тиісті.

3. Қоғамдық ортада:

3.1 Мемлекет тарапынан  бекітілген қоғамдық тәртіп нормаларын  сақтауға;

3.2 Театр, кинотеатр, демалыс орындары (парк, жүзу бассейіні, спортпен шұғылдану алаңдары), қоғамдық көлік, клубтар мен үйірмелерде (білімін және қабілетін жетілдіру орталықтары) және көшеде сол орындардың бекітілген ережелерін сақтауға жәнне «Жас Ұландық» мәртебелі беделіне нұқсан келтірмеуге;

3.3 Әрқашан көмекке мұқтаж жандарға (ата – әжелер мен кішкентай балаларға) қол ұшын созуға;

3.4 Бейтаныс және күдікті адамдармен (ұйымдар және орталармен де) қарым – қатынас жасамауға;

3.5 Өзгенің жоғалған мүлкін тауып алған жағдайда оны мектеп әкімшілігіне немесе тәртіп сақшыларына тапсыруға;

3.6 Жол жүру ережелерін қатаң сақтауға тиісті.

«Жас Ұлан» ұйымы мүшелерінің салтанатты уәдесі

Біз, Жас Ұландар,

Ұлы Қазақ елінің ар – намысты ұрпағымыз!

Бабалар дәстүрін құрметтеуге,

Мемлекеттік рәміздерді дәріптеуге;

Туған еліміз, жеріміз, Отанымызды

мақтаныш етуге уәде береміз.

Ата – анамызды қадірлеп:

Үлкенге – құрмет, кішіге – ізет көрсетеміз.

Оқуда озат, еңбекте адал болып;

Салауатты өмір салтын ұстанамыз.

Тәуелсіз еліміздің білімді, жігерлі, парасатты,

отансүйгіш азаматы боламыз деп сендіреміз!

Берілген уәде «Жас Ұлан» қатарына қабылдау салтанатты жиынында міндетті түрде айтылуы тиіс. Жасұландықтар бұл антты жатқа білуі керек.

МЕКТЕП ҰЙЫМЫНДА ЖҮРГІЗІЛЕТІН ҚҰЖАТТАР ТӘРТІБІ

• Ұйымның ережелері,шаралар ережелері/ Негізгі құжаттар (Жиынтық папка)

• Жылдық жоспарлар (2016-2021 ж.ж. аралығындағы)

• Кіріс/шығыс папкалары

• Хаттамалар жинағы (Ұйым мүшелерінің жалпы жиналысы, мектеп комитеті мүшелерінің отырысы)

•Атқарушы хатшы/ Ұланбасы мәліметі (Атқарушы хатшы ретінде тағайындалған бұйрық хат басшылықтан )

• Мектеп комитетінің 5 бөлімінің әрқайсысына жұмыс папкалары төмендегі ретпен жүргізіледі:

•Бөлімнің негізгі құжаттар папкасы (Бөлім мүшелерінің құрамын бекіту туралы мектеп комитеті отырысының хаттамасы, бөлім мүшелері туралы деректер кестесі). 

Бөлім мүшелері туралы деректер кестесінің үлгісі:

•Бөлімнің  жұмыс жоспары, бөлім отырысының хаттары

•2020-2021 ж.ж. аралығындағы ұйымға қабылданған балалар туралы деректер базасы (мамыр, желтоқсан айларына, жылдық қорытынды есеп) 

• Мектеп ұйымы бойынша өткізілген іс – шаралардың шығармашылық есебі

•Мектеп бойынша Жас Ұланға қабылданған балаларды тіркеу журналы:

•Мектеп бойынша Жас Қыранға қабылданған балаларды тіркеу журналы:

ЕСКЕРТУ: 

9,10 пункттерде көрсетілген кестелерді толтыру кезінде ескерілуі тиіс:

-Жас Ұлан/Жас Қыран қатарына қабылданғандығы туралы мәліметтер төменнен жоғарыға әр сыныптан ұйымға мүше балалар саны жыл сайын қорытындыланып, астын қызыл сызықпен сызып, сыныптағы жалпы оқушы саны, басқа мектепке ауысқан оқушы немесе мектеп бітіруші сынып болса., жас ұландық бітірушілер саны жеке - жеке көрсетіліп, қорытындылануы тиіс.

Мысалы:Сыныптағы оқушы саны -18, Жас Ұландықтар -18, Басқа мектепке ауысқаны-1, 2020-2021оқу жылы есебі бойынша сыныптан ұйымға мүше оқушылар саны -17   (18 -1=17)

•Ұйым мүшелерінің есебін жүргізу журналы:

Ұйым мүшелерінің есебін жүргізу журналын толтыру тәртібі:

1.Есеп журналын толтыруды тәлімгердің тікелей бақылауымен сынып және мектеп

Ұланбасылары жүргізеді;

    2.Журнал қатталған, беті нөмірленген болуы тиіс;

3.Әр оқу жылы басында қыркүйек айының 10-на дейін мектеп/аудан бойынша төмендегі тәртіппен журнал есебі қорытындыланып, жоғарғы құрылымдарға есеп тапсырылады:

-Мектептегі жалпы оқушы саны-   ;

-Жас Ұландықтар -    ;

-Басқа мектепке ауысқаны (ЖҰ)-  ;

-Жас Қырандықтар –  ;

-Басқа мектепке ауысқаны(ЖҚ) –  ;

-Мектеп бітіруші –  ;

2019-2020 оқу жылы есебі бойынша мектептен ұйымға мүше оқушылар саны -    

( __ жасұлан,  ____ жас қыран), жалпы ұйымға қамтылуы  ____%

(Бұл жолдарды журналға асты қызыл сызықпен сызылып жазылады)

А Н Т

Мен, ____________________, Республикалық бірыңғай «Жас Ұлан» балалар мен жасөспірімдер ұйымының қатарына кіре отырып:

Өз Отаным – Қазақстан Республикасының патриоты болуға;

Мемлекеттік рәміздерді құрметтеуге, дәріптеуге;

Туған елім, жерім, Отанымды мақтаныш етуге;

Ата-анамды қадірлеуге;

Білімге табандылықпен  ұмтылуға; 

«Жас Ұлан» Ережесін бұлжытпай сақтауға және оны өз достарымнан талап етуге,біздің жерлестеріміздің даңқты ерлігі, өнегесі негізінде ерлікке үйренуге және Отанға шексіз қызмет етуге салтанатты түрде

                 АНТ ЕТЕМІН, АНТ ЕТЕМІН, АНТ ЕТЕМІН!

и

БЕКІТЕМІН

Мектеп директоры

________  

_________ 2024 ж.                                                             

                                                    Білім беру мекемелерінде өзін-өзі басқару ұйымының 

жұмыс жоспары