Жаратылыстану әдістемелік комиссиясы

Жаратылыстану әдістемелік комиссиясы

Әдістемелік комиссия жетекшісі: Кисанова Ж.Т.

 2021 -2022 оқу жылы

Жаратылыстану пәндер онкүндігі

17. 01. 2022ж. – 26.01.2022ж.

Тақырыбы: «Жаратылыстану пән сабақтарында зерттеуге негізделген оқу әдісін практикада қолдану»

География пәнінен 10 «А» сыныбында  ZOOM платформасында өткен ашық сабағы, пән мұғалімі Кисанова Ж.Т., оңкүндіктің мақсатына сәйкес, зерттеу әдісін практикада қолдануды көрсетуге жоспарланған. Сабақтың тақырыбы: «Елдер мен аймақтардың дамуындағы географиялық кеңістіктің рөлі». Сабақ «төңкерілген сынып» әдісімен өткізілді. Оқушылар алдын ала топтарға бөлініп, 3 елдің, Жапония, Қазақстан, Непал, географиялық кеңістігінің экономикалық дамуына рөлін зерттеу арқылы анықтады. Ортаға салып, талдау жасады. Осы елдер туралы қызықты мәліметтер келтірді. Сабақта АКТ тиімді пайдаланды, wordwall платформасында үй тапсырмасын тексеру және бекітуге арналған тапсырмалары оқушыларды қызықтырды. Биология пәнінен Сагатбекова А.К.«Дезоксирибонуклеин қышқылы молекуласының құрылысының принципі» тақырыбында  өткен ашық сабағы, тарих пәнімен, пән мұғалімі Есенбаева Ш.З.   кіріктірілген сабақ түрінде өтті.

Сабақта оқушылар ДНҚ ерекшеліктерін жан жақты талдап қана қоймай, ДНҚ моделін өз қолдарымен жасап көрді, Мұндай тапсырмалардың оқу материалдарын есте сақтауға тәжірибелік маңызы өте зор. ДНҚ – ны мәдени   - генетикалық код ретінде қарастыру, 7 атасын білу арқылы генетикасын түсінуге бағытталған  зерттеу тапсырмаларын  орындату арқылы тарих және биология пәндерінің ұштасуын байқадық. Сабақтың сәтті өткен кезеңдеріне, ағылшын тілінде ДНҚ – ның құрамы аталуы, сабақтың тақырыбын ашатын бейнематериал, тақырыпқа сәйкес ҰБТ тапсырмаларын орындату, «Блоб ағашы» рефлексиясын атауға болады. Тағы бір жоғары деңгейде өткен кіріктірілген сабақ, ол химия және физика пәндерінен өткен«Тұрақты электр тогы. Металдардың электртерістілігі»тақырыбындағы  ашық сабақты атауға болады. Пән мұғалімдері ,Тұрғанбекова Айым Болатқызы мен Сахариева Айнұр Жанарбекқызы. Сабақ онлайн түрінде ZOOM платформасында жүргізілді. Оқушыларды қызықтыра білген Quizizz тапсырмалары, химия және физикадан тізбек құрауға арналған тәжірибелік алаң,   виртуалды зертханада тәжірибе жасау, padlet тақтасымен жұмыс деген тапсырмалар, мұғалімдердің АКТ қолданудағы шеберлігін көрсете білді және функционалды сауаттылықты арттыруда маңызы зор болды. Физика пәнінен «Қатты денелердегі, сұйықтар мен газдардағы қысым» тақырыбындағы  өткен ашық сабақ, пән мұғалімі Турдыбекова М.О. өте жақсы құрылымданған. АКТ өте тиімді пайдаланды. Импульс заның түсіндіру, реактивті қозғалысы, ракетаның құрылысы   көрсету және тағы басқа тапсырмалары Quizlet платформасы, phed colorado виртуальды зертханасы , padlet тақтасы, twig-bilim. kz  платформалары   арқылы орындалды.

Жаратылыстану пәнінен«Тірі ағзалардың қасиеттері»тақырыбындағы  5 « Г» сыныбында өткен ашық сабақ, пән мұғалімі Буралхиева М.М. ZOOM платформасында жүргізілді. Сабақта топтық жұмыс, оқушылардың өзара бағалауы өте сәтті болды. Тақырыпты бейнематериал арқылы ашу, «А,Б,В» әдісімен үй тапсырмасын тексеру, «Жас ғалым» зерттеу жұмыстарын жүргізу, оқушылардың жас ерекшеліктерін ескере отырып, қызығушылығын арттыра білді. АКТ өте тиімді пайдаланды, wordwall платформасында бекітуге арналған «айнамалы шеңбер» тапсырмасы орындалды. Оңкүндік  шеңберінде ШҚТУ мұражайына , ШҚУ IT және жаратылыстану ғылымдары жоғары мектебі, физика және технологиялар кафедрасындағы физикалық зертханаларына және медколледжге экскурсиялар жоспарланып, өткізілді.

Оқушылардың жетістіктері 2021-2022 оқу жылы

Қалалық сайыстар

Облыстық, республикалық сайыстар

Мұғалімдердің жетістіктері  2021-2022 оқу жылы